- 40 -

1283, November 27. Orvieto.

Papst Martin IV. bestätigt dem Kloster Kamenz das diesem verliehene Patronat der Kirche zu Michelau.

Martinus episcopus servus servorum dei dilectis filiis . . abbati et conventui monasterii de Camenz Cisterciensis ordinis Wratislaviensis dioecesis salutem et apostolicam benedictionem. Cum a nobis petitur, quod iustum est et honestum, tam vigor equitatis quam ordo exigit rationis, ut id per sollicitudinem officii nostri ad debitum perducatur effectum. Sane petitio vestra nobis exhibita continebat, quod nobiles viri Janutius et Bogus comites de Michalowe et de Pogrel ac Stephanus et Symon dicti de Michalowe laici Wratislaviensis diocesis ius patronatus ecclesie ville de Michalowe predicte diocesis et per ipsam villam tunc ad eam communiter pertinentia pro suorum remedio peccatorum de loci diocesani consensu vobis et monasterio vestro liberalitate pia et provida perpetuo contulerunt, prout in patentibus litteris inde confectis plenius dicitur contineri. Nos itaque vestris supplicationibus inclinati, quod super hoc pie ac provide factum est, ratum et firmum habentes illud auctoritate apostolica confirmamus et presentis scripti patrocinio communimus. Nulli ergo omnino hominum etc. Si quis autem etc. Datum apud Urbem veterem V. Kalendas Decembris pontificatus nostri anno tertio.

Orig. Perg. An gedrehten Fäden von rothgelber Seide hängt das Bullensiegel. Regesten No. 1767. Fehlt bei Potthast. Auf der Rückseite stehen die Worte: P. de Ass. Fiat cautio Helye de Spoleto antequam restituatur.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.